უკრაინის პრემიერ-მინისტრის, არსენი იაცენუკის განცხადებით, ქვეყანას ახალი კონსტიტუცია სჭირდება, რომლის დასამტკიცებლად საყოველთაო რეფერენდუმის ჩატარება აუცილებელია.

ამის შესახებ, იაცენუკმა მთავრობის სხდომაზე განაცხადა. მისი თქმით, პრეზიდენტმა პოროშენკომ საკონსტიტუციო კომისია შექმნა გადაწყვიტა, რომელსაც პარლამენტის თავმჯდომარე უხელმძღვანელებს.

„ქვეყანას სჭირდება ახალი კონსტიტუცია. ვფიქრობ, ძირითადი დებულებების დამტკიცება ეროვნული რეფერენდუმით უნდა მოხდეს. ახალი კონსტიტუცია ხალხის ნებით უნდა განისაზღვროს“ - განაცხადა უკრაინის პრემიერ მინისტრმა.

მისივე თქმით, ახალი კონსტიტუცია დაარეგულირებს ხელისუფლების ბალანსს, ასევე, გამჭვირვალე სასამართლო სისტემისა და კორუფციასთან ბრძოლის სისტემის ფორმირების საკითხს.

„მთავარია, უკრაინელმა ხალხმა ახალ კონსტიტუციას უთხრას - კი !“ - დასძინა იაცენუკმა.

ხატია ლაღიძე