"თვე არ გავა დანაშაული არ მოხდეს" - გურჯაანის პოლიციის უფროსს უმოქმედობაში ადანაშაულებენ

სამართალი - 13:27, 24 Mar, 2015

2175

„გაერთიანებული დემოკრატიული მოძრაობის“ კახეთის რეგიონალური ორგანიზაციის ხელმძღვანელი ვალერი შოშიაშვილი გურჯაანის პოლიციის უფროსს უმოქმედობაში ადანაშაულებს და მის გადადგომას ითხოვს.

მისი თქმით, რაც გიორგი კრაწაშვილი აღნიშნულ თანამდებობაზე დაინიშნა, რეგიონში კრიმინალურმა შემთხვევებმა იმატა.

„თვე არ გავა, დანაშაული არ მოხდეს. ბოლო დროს მომხდარი მკვლელობა კი იმის საფუძველს გავძელევს, რომ პოლიციის უფროსი და ხელმძღვანელი პირები უმოქმედოები არიან და კრიმინალების შესაჩერებლად პრევენციულ ღონისძიებასაც ვერ ატარებენ. მათ უმოქმედობაზე მიუთითებს ასევე ის ფაქტი, რომ სასამართლოდან პატიმარი გაექცათ“, - ამბობს შოშიაშვილი.

აქვე ის განმარტავს, რომ კრაწაშვილი პრემიერის სიმამრის თამაზ თამაზაშვილის ძმაკაცის შვილია.

„განა კი რა ვალდებულება აქვს აღებული თამაზაშვილს გურჯაანის პოლიციის უფროსის ოჯახთან, რომ ამ დრომდე, სამსახურიდან არ უშვებენ გიორგი კრაწაშვილს. მოვითხოვთ, აღნიშნულ ფაქტზე შინაგან საქმეთა სამინისტრომ რეაგირება მოახდინოს“, - ამბობს შოშიაშვილი.

კრაწაშვილის შსს-ს გურჯაანის პოლიციის მთავარი სამმართველოს უფროსად 2014 წლის აგვისტოში დაინიშნა.

ნინი კაციტაძე