მსახიობმა, ანჯელინა ჯოლიმ, კიბოს წინააღმდეგ პრევენციისთვის, საკვერცხეები და საშვილოსნოს მილები ამოიკვეთა.

ამის შესახებ, მსახიობმა New York Times-ისთვის მიცემულ ინტერვიუში განაცხადა.

„ეს არ იყო ადვილი გადაწყვეტილება, რადგან მას მძიმე შედეგი ექნება. მსგავსი ოპერაცია ქალს იძულებითი მენოპაუზის წინაშე აყენებს. შესაბამისად, შვილების გაჩენას ვეღარ შევძლებ. მაგრამ ეს საშუალებას მაძლევს ჩემი ჯანმრთელობა ვაკონტროლო“ - განაცხადა ჯოლიმ.

ოპერაციის გაკეთება აუცილებლობას არ წარმოადგენდა, თუმცა კიბოს გენეტიკურად გადაცემის რისკმა, მსახიობი ოპერაციის გაკეთების გადაწყვეტილებამდე მიიყვანა.

„დედაჩემი, მამიდა და ბებია სარძევე ჯირჯკვლისა და სასქესო ორგანოების ონკოლოგიური დაავადებებით გარდაიცვალნენ. დედას 49 წლის ასაკში დაუდგინა, მე 39-ის ვარ“ - განაცხადა ჯოლიმ.

კიბოს რისკისგან თავის ასარიდებლად, 2 წლის წინ მან სარძევე ჯირკვლებიც მოიკვეთა.

შეგახსენებთ, ანჯელინა ჯოლისა და ბრედ ბიტს 6 შვილი ჰყავთ, მათგან სამი ნაშვილებია.