ავღანეთის დედაქალაქ ქაბულში, ქვებით ჩაქოლილი ქალი დღეს დაკრძალეს. 30 წლის ქალის ცხედარი მდედრობითი სქესის წარმომადგენლებმა გამოასვენეს და ამით ავღანური ტრადიცია დაარღვიეს.

ლინჩის წესით მოკლული ქალის დაკრძალვას ასეულობით ადამიანი, მათ შორის ავღანეთის პარლამენტის რამდენიმე დეპუტატი და მთავრობის წევრებიც დაესწრნენ.

შეგახსენებთ, ხუთშაბათს, ქაბულის ერთერთ მეჩეთთან ადამიანების ჯგუფმა 30 წლის ქალბატონი მეჩეთის მიმდებარე ტერიტორიაზე ყურანის დაწვის ბრალდებით ქვებით ჩაქოლა, ხოლო შემდეგ მისი სხეული დაწვა.

პოლიციამ ქალის ბრალეულობის დამამტკიცებელი ფაქტები ვერ იპოვა. შემთხვევასთან დაკავშირებით დაკავებულია 14 ადამიანი, მათ შორის არიან ის პოლიციელებიც, რომლებიც ქალის ჩაქოლვას შორიდან უყურებდნენ.

ხატია ლაღიძე