შვედეთის საგარეო საქმეთა ყოფილი მინისტრი, კარლ ბილდტი აცხადებს, რომ ის და და პოლონეთის საგარეო საქმეთა ყოფილი მინისტრი, რადოსლავ სიკორსკი, პუტინის გეგმების შესახემბ ევროკავშირს აფრთხილებდნენ, მაგრამ ბრიუსელში „ეძინათ.“

ამის შესახებ, კარლ ბიდტმა „რადიო თავისუფლებისთვის“ მიცემულ ინტერვიუში განაცხადა.

„მაშინ, როდესაც უკრაინის წინააღმდეგ სანქციების დაწესება დაიწყეს, მე და რადოსლოვ სიკორსკიმ , ევროკავშირის გაფრთხილება ვცადეთ, თუმცა ბრიუსელში ეძინათ. ეს აშკარად დიდი შეცდომა იყო“- განაცხადა ბილდტმა.

შვედი დიპლომატის თქმით, პუტინის მომავალი გეგმა, ოკუპირებული ტერიტორიების ანკლავად გადაქცევაა.

„ვიქრობ, მისი შემდეგი ნაბიჯი ანკლავის შექმნა იქნება - „სახალხო რესპუბლიკები“ ხალხის გარეშე. პუტინი მათ სამხედრო გაძლიერებას შეეცდება“ - აღნიშნა მან.

მისივე თქმით, პუტინს სურდა, თვითგამოცხადებულ რეპუბლიკებს სამხედრო ოპერაციები საკუთარი ძალებით ჩაეტარებინა, რადგან რუსული რეგულარული არმიის გაგზავნის პოლიტიკური ფასი, ძალიან მაღალია.

ბილდტის განცხადებით, ამ ეტაპზე ევროკავშირმა რუსეთის წინააღმდეგ დაწესებული სანქციები უნდა შეინარჩუნოს და სხვადასხვა გზით უკრაინას მხარი დაუჭიროს.

„უკრაინამ უნდა გაიაროს რთული გზა და მას ჩვენი სოლიდარობა, მხარდაჭერა და თანაგრძნობა სჭირდება“- დასძინა მან.

ხატია ლაღიძე