დასავლეთმა უნდა განიხილოს ყველა შესაძლო ინსტრუმენტი, რათა დროული რეაგირება მოახდინოს უკრაინის მოვლენებზე, განაცხადა ევტოპაში ნატოს ძალების სარდალმა ფილიპ ბრიდლავმა.

„ჩვენ ვხედავთ, რომ ამჟამად უკრაინაში გამოიყენება დიპლომატიური, სამხედრო, ეკონომიკური და საინფორმაციო მეთოდები. ჩვენ დასავლეთში აუცილებლად უნდა განვიხილოთ ასევე ყველა შესაძლო ინსტრუმენტი, რათა ადეკვატურად ვუპასუხოთ მოსკოვს. რა თქმა უნდა, ეს მეთოდები შეიძლება მადესტაბილიზირებელი ფაქტორები აღმოჩნდეს, მაგრამ ასევე მადესტაბილიზირებელი ფაქტორია უმოქმედობაც,“ - განაცხადა ბრიდლავმა.