უკრაინის პრეზიდენტმა პეტრე პოროშენკომ „ნტვ“-სათვის მიცემულ ინტერვიუში განაცხადა, რომ რუსეთშ ქვეყნის განადგურების სამი სცენარი ჰქონდა, თუმცა არცერთმა არ გაუმართლა.

პირველი, პოლიტიკური სცენარის თანახმად, რუსეთს უკრაინის საპარლამენტო და საპრეზიდენტო არჩევნების ჩაშლა და ამით პოლიტიკური დესტაბილიზაციის გამოწვევა ჰქონდა მიზნად.

მეორე სცენარი, პოროშენკოს აზრით, ქვეყნის ეკონომიკურ განადგურებას წარმოადგენდა, ხოლო მესამე - სამხედრო გზა. პოროშენკო აცხადებს, რომ რუსეთს ეგონა, უკრაინედლები სამხედრო წინააღმდეგობას ვერ გაუწევდნენ მოწინააღმდეგეს, მაგრამ საპირისპირო მოხდა - ჩამოყალიბდა ძლიერი არმია, შეიქმნა მოხალისეთა ქვედანაყოფები, მთელი მოსახლეობა ქვეყნის დასაცავად გაერთიანდა და პუტინის გეგმებიც ჩაიშალა.