ბულგარეთის ხელისუფლებამ, საკუთარ ტერიტორიაზე ნატოს საკოოორდინაციო ცენტრის განთავსებაზე თანხმობა განაცხადა. გადაწყვეტილების შესაბამისად, მთავრობას ბულგარეთის „შეიარაღებული ძალების შესახებ კანონში“ ცვლილებები შეეტანა მოუწია.

„შეიარაღებული ძალების შესახებ კანონში“ ცვლილებების შეტანას ბულგარეთის ოპოზიცია აპროტესტებს. ბულგარეთის თავდაცვის მინისტრი ნიკოლაი ნენჩევი აცხადებს, რომ საკოორდინაციო ცენტრი მუშაობისათვის მზად იქნება 2015 წლისთვის.

ალიანსის საკოორდინაციო ცენტრის შექმნის მიზანი, სწრაფი რეაგირების ძალების მობილიზებას წარმოადგენს. დაახლოებით 3 500-ზე მეტი ადამიანისგან შემდგარი დანაყოფის მიზანია, მოახდინოს სწრაფი რეაგირება ალიანსის წევრ ნებისმიერ სახელმწიფოს მიმართ შექმნილ საფრთხეზე. იმ ქვეყნებში, რომლებსაც გარკვეული თავდასხმის საფრთხე შეექმნებათ, ნატოს საკოორდინაციო ცენტრი დანაყოფს 48 საათის განმავლობაში გადაისვრის.

ხატია ლაღიძე