უკრაინის შეიარაღებასთან დაკავშირებით, ვაშინგტონში გადაწყვეტილება ჯერ არ მიუღიათ. ეს, მინსკის ხელშეკრულების შესრულებასა და უკრაინაში მოვლენების განვითარებაზეა დამოკიდებული .

ამის შესახებ, აშშ-ის სახელმწიფო მდივნის თანაშემწემ, ვიქტორია ნულანდმა განაცხადა.

„ვაკვირდებით მინსკის ხელშეკრულების შესრულებას. ჩვენ საუკეთესო შედეგის მიღწევა გსურს, რაც ხელშეკრულების სრულ განხორციელებას გულისხმობს. მაგრამ თუკი ასე არ მოხდა და სიტუაცია გართულდა, ჩვენი პოზიცია შეიცვლება“ - განაცხადა ნულანდმა.

შეგახსენებთ, თეთრი სახლს უკრაინისთვის ლეტალური იარაღის გადაცემასთან დაკავშირებითმ გადაწყვეტილება ჯერ არ მიუღია. ობამას ადმინისტრაციაში აცხადებენ, რომ ას საკითხთან დაკავშირებით დებატები მიმდინარეობს.

თავად აშშ-ის პრეზიდენტმა, რამდენიმე დღის წინ განაცხადა, რომ ამ ეტაპზე უკრაინისთვის იარაღის გადაცემა, კონფლიქტის გამწვავებას გამოიწვევს.

ხატია ლაღიძე