ევროსაბჭოს ხელმძღვანელი დონალდ ტუსკი, გერმანიის კანცლერი, ანგელა მერკელი და საფრანგეთის პრეზიდენტი, ფრანსუა ოლანდი, შეთანხმდნენ, რომ რუსეთის წინააღმდეგ დაწესებული სანქციები 2015 წლის ბოლომდე გაგრძელდეს.

ამის შესახებ, სააგენტო „როიტერი“ იტყობინება.

გუშინ, ანგელა მერკელის მიერ გაკეთებული განცხადების მიხედვით, იმ შემთვევაში თუ რუსეთი მინსკის ხელშეკრულების პირობებს არ შეასრულებს, მის წინააღმდეგ დაწესებული სანქციები შესაძლოა გახანგრძლივდეს და გაფართოვდეს.

შეგახსენებთ, ბრიუსელში, პარასკევს ევროკავშირის წევრი ქვეყნების ლიდერების მონაწილეობით, ორდღიანი სამიტი იწყება. სამიტის ძირითადი განსახილველი თემა, უკრაინაში შექმნილი ვითარება და რუსეთთან ურთიერთობები იქნება.

ხატია ლაღიძე