შაქრო კალაშოვი სოჭში ,,ქურდულ სხოდკაზე“ დააკავეს

შაქრო კალაშოვი სოჭში ,,ქურდულ სხოდკაზე“ დააკავეს - საქმე ,,გოჩოსთან“

სამართალი - 17:13, 19 Mar, 2015

14842

როგორც გამოცემა ,,პრაიმკრაიმი“ წერს, 15მარტს სოჭში, პოლიციელებმა აღკვეთეს ქურდული ,,სხოდკის“ ჩატარება, რომელშიც ყველაზე გავლენიანი ე.წ. კანონიერი ქურდი შაქრო კალაშოვი იღებდა მონაწილეობას. კრიმინალური მარშალი დაიჭირეს ერთ-ერთ სასტუმროში ,,კრასნაია პალიანაზე“ ყველაზე მხცოვან სოჭელ ე.წ. კანონიერ ქურდთან თენგიზ დუმოევთან (გოჩო) და ადგილობრივ გავლენიან ავტორიტეტ რობსონთან ერთად.

გავრცელებული ინფორმაციით, პოლიციელებმა მათი ავტორიტეტის შესაბამისი პატივისცემა ე.წ. კანონიერი ქურდების მიმართ არ გამოიჩინეს. თუმცა, დიდხნიანი და მომაბეზრებელი შემოწმების შემდეგ ყველა გაათავისუფლეს.

59 წლის ,,გოჩო“ ყველაზე სანდო პირია შაქო ,,მალადოისთვის“ და სწორედ მასზე ამყარებს კრიმინალური მარშალი ქურდული კლანების შერიგების იმედებს. მიუხედავად შაქროს, ,,დედ ჰასანის“ და ,,გოჩოს“ იეზიდური წარმოშობისა, ,,გოჩო“ ყოველთვის ნეიტრალურ პოზიციას იკავებდა მათთან დაკავშირებით და სწორედ ამიტომაც სარგებლობს ავტორიტეტით ბარიკადების ორივე მხარეს მყოფი ე.წ. კანონიერი ქურდებისაგან. სწორედ ასეთი ქურდების მხრიდან სურს შაქროს მხარდაჭერა - ქურდებისგან, რომლებიც არ იღებდნენ აქტიურ მონაწილეობას ,,ძმათამკვლელ“ გარჩევებში და რომლებიც არ იყვნენ კომპრომატირებულები მიკერძოებულობასა და პირადი ინტეერსების დაცვაში.

ცნობილია, რომ იანვრის შუა რიცხვებში ,,გოჩო“, შაქრო კალაშოვის სახელით, სტამბულში შეხვდა შაქროს მოწინააღმდეგე ,,დედოვსკი“ კლანის წარმომადგენლებს როვშან ლენქორანსკის, კახა ფარფალიას და ნიკა იზრაელსკის. მართალია, მაშინ კონფლიქტი არ შეჩერებულა, მაგრამ დაისახა გზები მოწინააღმდეგეთა დაახლოებისათვის.