შს მინისტრის ვახტანგ გომელაურის ინფორმაცით, მისი უწყება 21 მარტს დაგეგმილი აქციის ორგანიზატორებთან კონსულტაციებს გამართავს.

ამის შესახებ გომელაურმა მთავრობის სხდომის დასრულების შემდეგ განაცხადა.

მინისტრი კიდევ ერთხელ აცხადებს, რომ აქციაზე უსაფრთხოება უზრუნველყოფილი იქნება.

„მიუხედავად იმისა, რომ იმავე დღეს აღნიშნულის საწინააღმდეგო კონტრაქციაცაა დაგეგმილი, ყველა ზომა იქნება მიღებული უსაფრთხოებისთვის. კონტრაქცია ამ აქციასთან არანაირად არ იქნება შეხებაში. დამატებითი განცხადება, თუ რომელი ქუჩები გადაიკეტება, ხვალ გაკეთდება. ასევე გავრცელდება ინფორმაცია, თუ სად შეეძლებათ ავტომანქანების გაჩერება მათ, ვინც რეგიონებიდან ჩამოვლენ", - განაცხადა მინისტრმა.