უკრაინის პრეზიდენტის, პეტრო პოროშენკოს ოფიციალურ ვებგვერდზე გავრცელებული ინფორმაციის თანახმად, 780 უკრაინელ ჯარისკაცს ამერიკელი სამხედროები გაწვრთნიან.

ბრძანებას, აშშ-ის პრეზიდენტმა ხელი უკვე მოაწერა.

გავრცელებული ინფორმაციით, პოროშენკოსა და აშშ-ის ვიცე პრეზიდენტ, ჯო ბაიდენს შორის სატელეფონო საუბარი შედგა. პოროშენკომ, დონბასში განვითარებულ მოვლენებზე და იმ კანონქპროექტებზე ისაუბრა, რომელიც უკრაინის რადამ ბოლო დღეებში მიიღო.

თავის მხრივ, ბაიდენმა პოროშენკოს დახმარების პირობა აღუთქვა და განაცხადა, რომ უკრაინის თავდაცვისუნარიანობის გასაძლიერებლად, აშშ, მარტის ბოლოს სამხედრო მანქანების პირველ პარტიას გაუგზავნის.

შეგახსენებთ, ბარაკ ობამას ადმინისტრაციას, უკრაინისთვის ლეტალური იარაღის გადაცემასთან დაკავშრებით გადაწყვეტილება ჯერ არ მიუღია. ბაიდენმა, აშშ-ის პრეზიდენტს უკრაინის შეიარაღებასთან დაკავშრებით, რამდენჯერმე მიმართა. ადმინისტრაციაში აცხადებენ, რომ საკითზე მსჯელობა კვლავაც მიმდინარეობს.

ხატია ლაღიძე