ტუნისში, ბარდოს მუზეუმში, მძევლების გათავისუფლების სპეცოპერაციისას დაღუპულთა რიცხვი 22-მდე გაიზარდა. დაჭრილია 40-ზე მეტი ადამიანი.

გავრცელებული ინფორმაციით, გარდაცვლილთაგან 20 ტურისტია, მათ შორის არიან იტალიის, ესპანეთის, პოლონეთის, გერმანიისა და კოლუმბიის მოქალაქეები. 2 კი ადგილობრივი მოქალაქეა.

სპეცოპერაციის დროს პოლიციამ 2 თავდამსსხმელის ლიკვიდაცია მოახდინა, თუმცა გამართულ შეტაკებას ერთი სამართალდამცავის სიცოცხლეც შეეწირა.

შეგახსენებთ, ოთხშაბათს, შეიარაღებული პირები, ბარდოს მუზეუმში შეიჭრნენ და მძევლად 40 ტურისტი აიყვანეს.

ადგილობრივი მედიის ინფორმაციით, თავდამსხმელები 2-ზე მეტნი იყვნენ, თუმცა რამდენიმე მათგანმა გაქცევა მოახერხა. თავდასხმის მოტივი ჯერჯერობით უცნობია.

ხატია ლაღიძე