უკრაინული გამოცემა „უნიანის“ ცნობით, მოსკოვში, კრემლთან ყირიმის წლისთავის აღსანიშნავად ათიათასობით ადამიანი გამოვიდა.

აქციის მონაწილეებმა, ვასილიევსკის ტაძართან მიმდებარე მთელი ტერიტორია , მათ შორის ის ხიდიც შეავსეს, რომელზეც 27 თებერვალს რუსი ოპოზიციონერი, ბორის ნემცოვი მოკლეს.

მოედანზე დამონტაჟებულ სცენაზე გაკრულია ბანერი, წარწერით - „ჩვენ ერთად ვართ“ .

„მადლობა პუტინს ყირიმისთვის“, „ ყირიმს + სევასტოპოლი = რუსეთს“, „ერთად ბედნიერად“, „ყირიმის დაბრუნება - სამართლიანობის ტრიუმფია“ - სკანდირებდნენ დემონსტრანტები.

აქციის ოფიციალური ნაწილის დასრულების შემდეგ, რუსული ესტრადის ვარსკვლავების მონაწილეობით კონცერტის ჩატარება იგეგმება.

დემონსტანტთა შორის, დონბასის კონფლიქტში მონაწილე პრორუსული ტერორისტების დროშებიც შეინიშნება.

ხატია ლაღიძე