ნავალნი აშშ-ს აფრთხილებს უკრაინას იარაღი არ მიაწოდოს

მსოფლიო - 14:57, 18 Mar, 2015

2678

რუსი ოპოზიციონერი ალექსეი ნავალნი The Washington Post-თან ინტერვიუში ამერიკას აფრთხილებს, უკრაინას ლეტალური იარაღი არ მიაწოდოს. მისი თქმით ეს უკრაინის გამარჯვებას არ მოუტანს, მაგრამ მნიშვნელოვნად გაართულებს რუსული ოპოზიციის ცხოვრებას.

ნავალნის აზრით აშშ შეცდომას დაუშვებს თუ უკრაინისთვის იარაღის მიწოდების შესახებ დადებით გადაწყვეტილებას მიიღებს:

„არ ვფიქრობ, რომ იარაღის მიწოდებას სიტუაცის რადიკალურად შეცვლა შეეძლოს, საქმე იმაშია, რომ უკრაინა რუსეთზე სამხედრო გამარჯვებას ვერ მოიპოვებს, სამაგიეროდ პუტინს გაუჩნდება ხელმოსაჭიდი ფაქტები, რომ უკრაინაში საბრძოლო მოქმედებებში ამერიკელები მონაწილეობენ“- აცხადებს ნავალნი.

ნავალნის თქმით, რუსული ოპოზიცია ძლიერი წნეხის ქვეშ იმყოფება, მათ დასავლეთთან მეკავშირეობაშ ადანაშაულებენ და „მე-5 კოლონას“ უწოდებენ. აშშ-ს მხრიდან უკრინისთვის იარაღის მიწოდება კი ოპოზიციის მდგომარეობას უფრო გაართულებს, რადგან ქვეყანაში გაჩნდება მოსაზრება რომ ოპოზიცია იმ ძალებთან თანამშრომლობს, რომლის იარაღითაც უკრაინაში რუსები იღუპებიან.

ნავალნის აზრით, რუსეთთან მიმართებაში უფრო ეფექტურად სავიზო შეზღუდვები და ფინანსური სანქციები იმოქმედებს „პირადი სანქციები არა მარტო 12 ადამიანის მიმართ უნდა მოქმედებდეს, არამედ მთლიანად ამ ომის პარტიის ათასეულობით წევრის წინააღმდეგ“-განაცხადა ნავალნიმ.