ცნობილი იტალიელი დიზაინერები დომენიკო დოლჩე და სტეფანო გაბანა, ერთსქესიანი წყვილებისთვის ბავშვების მიშვილების წინააღმდეგ გამოდიან.

მიუხედავად იმისა, რომ დიზაინერები თავიანთ ჰომოსექსუალობას დიდი ხანია არ მალავენ და თითქმის 20 წელია ერთად ცხოვრობენ, აცხადებენ, რომ ბავშვი აუცილებლად დედ-მამის გარემოში უნდა აღიზარდოს.

ამის შესახებ, მათ იტალიურ გამოცემა „ პანორამასთვის“ მიცემულ ინტერვიუში ისაუბრეს.

დიზანიერები, ერთსქესიანი წყვილისთვის ხელოვნური განაყოფიერებით, სუროგაციისა და ე.წ საშილოსნოს გაქირავების“ გზით გაჩენილი ბავშების ფაქტსაც გმობენ.

„ჩვენ ვეწინააღმდეგებით, ჰომოსექსუალი წყვილების მიერ ბავშვები შვილად აყვანას. ბავშვი დედ-მამის გარემოში, ნამდვილ ოჯახში უნდა იზრდებოდეს. ერთადერთი ნამდვილი ოჯახი კი ტრადიციული ოჯახია. მიუღებელია ყველანაირი ქიმიურს ჩარევა და საშვილოსნოს „გაქირავება". ცხოვრება ბუნებრივი დინებით მიდის და ყველაფერში ჩარევა არ შეიძლება“ - განაცხადა დომენიკო დოლჩემ.

დიზაინერების განცხადებამ, სოციალურ ქსელში და ლგბტ საზოგადოებაში დიდი აჟიოტაჟი გამოიწვია. სოციალურ მედიაში აქცია Boycott Dolce Gabbana დაიწყო.

დოლჩე-გაბანას განცხადებას , მომღერალი ელტონ ჯონი სოციალურ ქსელში მწვავე კრიტიკით გამოეხმაურა, რომელიც სუროგატი დედისგან გაჩენილ ორ შვილს, მეუღლესთან დევიდ ფერნიშთან ერთად.

„როგორ ბედავთ და ჩემს არაჩვეულებრივ ბავშვებს სინთეზურებს უწოდებთ? უნდა გრცხვენოდეთ თქვენი სამარცხვინო და უსამართლო სიტყვების გამო. ხელოვნური განაყოფიერება - ეს სასწაულია, რომელმაც უამრავ წყვილს ბავშვის ყოლის ოცნება აუსრულა“ - წერს მომღერალი „ინსტაგრამის“ გვერდზე და აღნიშნავს, რომ დიზაინერებს ბოიკოტს უცხადებს.

„თქვენი არქაული აზროვნება ისევე მოძველებულია, როგორც თქვენი კოლექციები. აღარასოდეს ჩავიცმევ „დოლჩე და გაბანას“ - დასძენს ელტონ ჯონი და საზოგადოებას იტალიელი დიზაინერებისათვის ბოიკოტის გამოცხადებისკენ მოიწოდებს.

ხატია ლაღიძე