ვლადიმერ პუტინმა, კუნძულ სახალინის აღმოსავლეთ სამხედრო ოლქისა და კრასნოდარის მხარეში, სოფელ დერმუკთან დისლოცირებული ჯარისკაცებისა და საზღვაო ქვეითების სამხედრო მზადყოფნაში მოყვანის ბრძანება მოულოდნელად გასცა.

გამოცემა ТАСС- ის ინფორმაციით, ამის შესახებ, რუსეთის თავდაცვის სამინისტრო იტყობინება. სამინისტროს მიერ გავრცელებული ინფორმაციით, ეს მასშტაბური სასწავლო წვრთნებია, რომელშიც მონაწილეობას 3000-ზე მეტი ჯარისკაცი და ათასი ერთეული სამხედრო ტექნიკა მონაწილეობს.

ამავდროულად, სრული მობილიზაციაა გამოცხადებული შავი ზღვის საზღვაო ფლოტში.

„ მებრძოლები სამხედრო ტექნიკის, იარაღისა და ახალი ტაქტიკების წვრთნებს გადიან“ - ნათქვამია სამინისტროს განცხადებაში.

შეგახსენებთ, გუშინ რუსეთმა მასიური საჰაერო სამხედრო წვრთნები დაიწყო. რუსეთის თავდაცვის მინისტრის განცხადებით, მსოფლიოში არსებული ახალი გამოწვევები და სამხედრო საფრთხეები, შეიარაღებული ძალების მომზადებასა და შესაძლებლობების გაზრდას მოითხოვს.

ხატია ლაღიძე