ჰოლივუდის ვარსკვლავები, რომლებიც სატანიზმს ემსახურებიან

ეს საინტერესოა - 23:33, 17 Mar, 2015

7771

თუ ადრე ჰოლივუდის ვარსკვლავთა დიდი ნაწილი საიენტოლოგიით იყო გატაცებული, ახლა გაცილებით ავის მომასწავებელი ტენდენცია გაჩნდა - სატანიზმი. დასავლელი ცნობილების რელიგიური მიდრეკილებები საგანგაშოდ შეიცვალა.

ახალგაზრდების კერპები სულ უფრო აქტიურად ირჩევენ ახალ გზას - სატანიზმს. და რაც ყველაზე ცუდია, ათასობით თაყვანისმცემელი, რომელთა უმრავლესობა მოზარდია, შეიძლება მათ გზას გაჰყვეს. მღელვარების საბაბად იქცა ბრიტანელი ჟურნალისტის, ტელეწამყვანისა და ფოტომოდელის, ცნობილი ირლანდიელი მუსიკოსის ბობ გელდოფისა და ტელეწამყვან პოლა იეტსის ქალიშვილის პიჩეს გელდოფის აღიარება.

24 წლის გოგონამ ცოტა ხნის წინ "ტვიტერში" დაწერა, რომ აღმოსავლელი ტამპლიერების ორდენის, ე.წ. ოტოს ერთგული წევრია და ტატუც აქვს მისი ინიციალებით, მარცხენა მხარზე. ეს ორდენი ერთ-ერთმა ცნობილმა სატანისტმა ალისტერ კროულიმ დააარსა, რომელიც თავის თავს "უდიდეს მხეც 666"-ს უწოდებდა და "მსოფლიოში ყველაზე უწმინდური ადამიანის" სახელი ჰქონდა.

კროულიმ აჩუქა ორდენს დევიზიც -"აკეთე, რაც გინდა", რამაც ის საოცრად პოპულარული გახადა შემოქმედებითი პროფესიის ადამიანებს შორის -მხატვრებში, მუსიკოსებში. მას ბევრი მიმდევარიც გამოუჩნდა.

ცნობილი ინგლისელი როკმუსიკოსი ჯიმი პეიჯი "ლედ ზეპელინიდან" რეგულარულად მონაწილეობდა ოკულტურ და მაგიურ რიტუალებში და ისეთი აღტაცებული იყო კროულის პიროვნებით, რომ მისი ყოფილი სახლიც კი იყიდა შოტლანდიაში, ლოჰ-ნესის ტბასთან.

ამბობენ, რომ ამავე ორდენთან არის დაკავშირებული რეპერი ჯეი-ზი, რომელსაც არაერთხელ გამოუყენებია კროულის ნამუშევრებიდან სახეები და ციტატები თავის ნაწარმოებებში. მისი ტანსაცმლის ხაზი გაჯერებულია ორდენის გამოსახულებებით - სამკუთხედში ჩასმული თვალით (ძველი ეგვიპტური სიმბოლო, რომელიც ოკულტურ ტექსტებში გამოიყენება) და სხვა სიმბოლოებით.

დღესდღეობით ოტო-ს ასობით წევრი მთელ ბრიტანეთშია მოფენილი, მსოფლიოში კი ათასობით არიან. გამოძიების ფედერალური ბიუროს ყოფილი აგენტი, რომელიც ლოს-ანჯელესის სატანისტურ საზოგადოებას იძიებდა, აცხადებს, რომ კროულის ზოგიერთი სწავლება ადამიანთა მსხვერპლად შეწირვასაც გულისხმობს.

მართალია, ბევრი მიიჩნევს, რომ ვარსკვლავების "სატანისტური გატაცებები" უბრალოდ პიარია, სხვების აზრით, მათ შეუძლიათ ამ დამანგრეველ ძალას დიდი რეკლამა გაუკეთონ.

წყარო: etanews.ge