პატიმრობაში მყოფი უკრაინელი პილოტი, ნადეჟდა სავჩენკო 10 დღიანი პაუზის შემდეგ, შიმშლობას განაგრძობს.

ექიმების განცხადებით, სავჩენკოს ჯანმრთელობის მდგომარეობა იმდენად მძიმეა, რომ შიმშილობის გაგრძელებამ შესაძლოა სავალალო მდგომარეობამდე მიიყვანოს.

უკრაინელი პილოტის ადვოკატის, მარკ ფეიგანის განცხადებით, სავჩენკოს სურს, საპყრობილე ისე დატოვოს, როგორც უდანაშაულო ადამიანმა და მიიჩნევს, რომ მის უკანონო პატიმრობაში ყოფნაზე პასუხისმგებლობა საგამოძიებო კომიტეტს აკისრია.

შეგახსენებთ, უკრაინის ტერიტორიული მთლიანობისთვის მებრძოლი 33 წლის უკრაინელი მფრინავი ქალი, ნადეჟდა სავჩენკო 2013 წლის 17 ივნისს სეპარატისტებმა ტყვედ ჩაიგდეს და რუსეთის სპეცსამსახურებს გადასცეს. მას შემდეგ სავჩენკო პატიმრობაში იმყოფება.

გაეროს, ევროკავშირის, აშშ-სა და სხვა საერთაშორისო ორგანიზაციების მოთხოვნის მიუხედავად, ჯერჯერობით სავჩენკო კვლავ რუსეთის საპატიმროში იმყოფება.

ხატია ლაღიძე