რუსეთის პრეზიდენტის პრესსპიკერის, დიმიტრი პესოკივის განცხადებით, ის რაც ყირიმში ხდება რუსეთის შიდა საქმეა და სხვა სახელმწიფოების განხილვის საგანი არ უნდა გახდეს.

პესკოვის კომენტარი, ჯენ პსაკის განცხადებას მოჰყვა.

შეგახსენებთ, აშშ-ის სახელმწიფო დეპარტამენტის ოფიციალურმა წარმომადგენელმა, ჯენ პსაკიმ განაცხადა, რომ რუსეთის წინააღმდეგ დაწესებული სანქციები მანამ გაგრძელდება, სანამ რუსეთის მიერ ანექსირებული ყირიმის ნახევრკანუძული უკრაინას დაუბრუნდება.

„რამდენადაც ვიცი, ჯენ პსაკის განცხადებაზე საგარეო საქმეთა სამინისტროს კომენტარი არ გაუკეთებია. ამაზე უშუალო რეაგირება არც მე მინდოდა. არანაირი ანექსია არ მომხდარა. ყირიმი - რუსეთის ფედერაციის რეგიონია. ჩვენი რეგიონის საკითხი, სხვა სახელმწიფოებს არ ეხება“ - განაცხადა პესკოვმა.

ხატია ლაღიძე