აპრილ-მაისში პუტინი სრულმასშტაბიანი ომის დაწყებას გეგმავს.

ამის შესახებ, უკრაინის სახალხო დეპუტატმა, ფრაქცია „პეტრო პოროშენკოს ბლოკის“ მეთაურმა, იური ლუცენკომ განაცხადა.

ლუცენკომ, უკრაინის არმიის თავდაცვისუნარიანობის გაძლიერების აუცილებლობაზე ისაუბრა. მისი თქმით, ფართომასშტაბიანი ომის საფრთხე ნამდვილად არსებობს.

„რუსეთის მიერ, უკრაინის წინააღმდეგ სრულმასშტაბიანი ომი, შესაძლოა აპრილის ბოლოს და მაისის დასაწყისში დაიწყოს. ამის შესახებ, დაზვერვისა და ანალიტიკური სამსახურების ანგარიშები მიუთითებს, რომლებიც შეიარაღებული ძალების კონცენტრაციასა და გადაადგილებებს ასახავს. როგორც ჩანს, პუტინი A და B გეგმის - რუსული მოსახლეობის დაცვისა და უკრაინაში სამხედრო გადატრიალების მოწყობის განხორციელებას აღარ აპირებს. ის მესამე ვარიანტზე გადადის, გეგმა C - უკრაინაში სრულმასშტაბიანი ომის დაწყებას გულისხმობს"- განაცხადა დეპუტატმა.

ხატია ლაღიძე