იტალიაში მომხდარი ავარიის შესახებ, რომელსაც ქართველი ქალბატონი ემსხვერპლა, ახალი დეტალები ხდება ცნობილი.

სოციალურ ქსელში შოთო სიხარულიძე ტრაგედიის შესახებ წერს. მისი ინფორმაციით, შემთხვევას გარდაცვლილის შვილი შეესწრო, რომელსაც ფსიქოლოგიური შოკი აქვს მიღებული.

"...საშინელი ტრაგედია დატიალდა გუშინ საღამოს იტალიის ქალაქ ბარში.

ავტოავარიის შედეგად გარდაიცვალა 44 წლის კიდევ ერთი ქართველი ქალბატონი ნონა ზარიძე. მართალია, ყოველი სიკვდილის ფაქტი მძიმე და თავისთავად ტრაგიკულია, მაგრამ როცა შვილისა და მეგობრის თვალწინ შემთხვევით ფეხის მოცურებისაგან ქუჩის მოსახვევში წაქცეულ ქალს მთელი სიჩქარით მომავალი ავტობუსი რომ გადაუვლის თავზე… დედის ტრაგიკულ დაღუპვას შვილი შეესწრო …პირველი სასწრაფო დახმარების მანქანით აწ გარდაცვლილი ნონა ზარიძე გადაიყვანეს საავადმყოფოში, მაგრამ ვეღარ შეძლეს გადაერჩინათ, მეორე სასწრაფო დახმარების მანქანით მძღოლი გააქანეს საავადმყოფოში… ისიც ცუდად გახდა. მესამე სასწრაფო დახმარების მანქანით კიდე გარდაცვლილის 22 წლის ქალიშვილი და მისი მეგობარი წაიყვანეს საავადმყოფოში.. ფსიქოლოგიური შოკი“, - წერს სიხარულიძე.

შეგახსენებთ, ავარიას იტალიაში ქართველი ქალბატონის სიცოცხლე ემსხვერპლა.