ევროკავშირის საბჭო თანახმაა, ბოსნია-ჰერცოგოვინასთან ასოცირების ხელშეკრულება გააფორმოს და ხელშეკრულების ძალაში შესვლისთანავე, ეს პროცესი დაასრულოს.

ამის შესახებ, ევროსაბჭოს ვებგვერდზე გამოქვეყნებულ განცხადებაშია საუბარი.

„ევროსაბჭო მიესალმება ბოსნია-ჰერცოგოვინას წერილობით ვალდებულებას, რომელსაც პოლიტიკური პარტიებისა და პარლამენტის მიერ ხელი 2015 წლის 23 თებერვალს, სარაევოში ევროკომისარ ფედერიკა მოგერინის ვიზიტისას მოეწერა“- ნათქვამია განცხადებაში.

იმის გათვალისწინებით, რომ დოკუმენტში არსებული აუცილებელი პირობები ქვეყანამ შეასრულა, ასოცირების ხელშეკრულების ძალაში შესასვლელად გადამწყვეტი ნაბიჯებია საჭიროა.

ევროსაბჭო ქვეყნის ხელისუფლებას მოუწოდებს, დაიცვას თავისი ვალდებულებები, მათ შორის ისინი, რომელიც მომავალი შეთახმების ადაპტაციასა და რეფორმების განხორციელებას ეხება.

„რეფორმები სამოქალაქო საზოგადოებასთან კონსულტაციების შემდეგ უნდა შემუშავდეს, ასევე განისაზღვროს კოპენჰაგენის კრიტერიუმებითა და ევროკავშირის „დასაქმების ზრდის პაკეტით“ - ნათქვამია განცხადებაში.

ხატია ლაღიძე