ევროსაბჭოს პრეზიდენტი, დონალდ ტუსკი მოსკოვში, 9 მაისს, მეორე მსოფლიო ომის დასრულების 70-ე წლისთავთან დაკავშირებით გამართულ ღონისძიებას არ დაესწრება. მიზეზად, აღმოსავლეთ უკრაინაში რუსეთის მიერ განხორციელებულ აგრესიას ასახელებს.

„მოწვევა მივიღე, თუმცა არ მივდივარ. სამხედრო აღლუმზე დასწრება აგრესოსრთან და იმ ადამიანთან ერთად, რომელიც აღმოსავლეთ უკრაინაში მშიდობიანი მოსახლეობის წინააღმდეგ იარაღს იყენებს, რბილად რომ ვთქვათ, ორაზროვანია“ - განაცხადა ტუსკმა.

გავრცელებული ინფორმაციით, რუსეთის მიერ უკრაინაში განხორციელებული აგრესიის გამო, მოსკოვში ჩასვლაზე უარი გერმანიის კანცლერმა - ანგელა მერკელმა, დიდი ბრიტანეთის პრემიერ-მინისტრმა, დევიდ კემერონმა, ლატვიისა და ლიტვის პრეზიდენტებმაც განაცხადეს.

ამ დროისთვის ღონისძიებაზე დასწრების თანხმობა ბელორუსის პრეზიდენტმა, ალექსანდ ლუკაშენკომ და ჩრდილოეთ კორეის ლიდერმა, კიმ ჩენ ინმა განაცხადეს.

ხატია ლაღიძე