პროკურატურა ლევან ჩაჩუას მიმართ გამოტანილ გამამართლებელ განაჩენს სააპელაციო სასამართლოში გაასაჩივრებს. ამის შესახებ ჟრნალისტებს პროკურორმა რევაზ ნადოიმ განუცხადა.

ნადოითვის დღევანდელი გადაწყვეტილება მოულოდნელი აღმოჩნდა, -"ბუნებაში არ არსებობს მოტივაცია, რომელიც გაამართლებს მოსამართლის დღევანდელ გადაწყვეტილებას. მისივე თქმით, სასამართლოს გადაწყვეტილება მისთვის მოულოდნელი იყო".

"არსებობს სასამართლოს ზემდგომი ინსტანციები, სადაც ბევრი მეტი გამოცდილების მოსამართლე საქმიანობს. აუცილებლად შევეცდებით ჩვენი პოზიციის მართებულება დავამტკიცოთ ზედა ინსტანციაში. არ არსებობს მოტივაცია, რომელიც გაამართლებს სასამართლოს დღევანდელ გადაწყვეტილებას, შესაბამისად, ჩვენ ამ გადაწყვეტილებას აუცილებლად გავასაჩივრებთ.

მოსამართლე მგელიაშვილი არ აღმოჩნდა ნეიტრალური და ობიექტური პირი, რომელიც შეამოწმებდა იმ მტკიცებულებებს რაც წარვადგინეთ სასამართლოში. მას რომ ოებიქტურად შეემოწმებინა მტკიცებულებები, დარწმუნდებოდა ჩაჩუას ბრალეულობაში. მგელიაშვილმა არ გაითვალისწინა და არ გაიზიარა დაზარალებულთა, მოწმეთა, ნეიროქირურგების, ექსპერტების ჩვენებები, ასევე საექსპერტო კვლევები და ჩვენს მიერ წარმოდგენილი ვიდეომასალები. მან არ გაიზირია ამავე საქმეზე მეტი გამოცდილების და მეტი კვალიფიციურობის მქონე მოსამართლეთა მოსაზრებები", - განაცხადა ნადოიმ.

ასევე გაუგებარი აღმოჩნდა ნადოისთვის ჰაკიმ ფაშას სახელით წარმოდგენილი ვიდეომასალასთან დაკავშირებით, სასამართლოს განმარტება.

აზი გაუსვა ჰაკიმ ფაშას. ეს ვიდეომასალა არც გამოგვიყენებია როგორც ერთ-ერთი მტკიცებულება. ჩვენ გვქონდა ძირითადი ვიდეომასალა და სწორედ ამ ვიდეომასალას დავეყრდენით. რა შუაში იყო ხაზის გასმა ჰაკიმ ფაშასთან დაკავშირებით, ეს ჩემთვის ნამდვილად გაუგებარი იყო", - განაცხადა რევაზ ნადოიმ.

ცოტა ხნის წინ ექსპერტ ლევან ჩაჩუას მიმართ ზურაბ ჟვანიას საქმეში მოსამართლემ გამამართლებელი განაჩენი გამოიტანა.