2013 წლის 31 იანვრის განჩნებით, მოსამართლე ნანა ცერცვაძემ ბრალდებულს აღკვეთი ღონისძიების სახით 15 ათასი ლარის ოდენობის გირაო შეუფარდა. გიორგი სიბაშვილი თავს დამნაშავედ არ სცნობს და უდანაშაულობის დამტკიცებას სასამართლოში დამატებითი მტკიცებულებების წარდგენით გეგმავს.

შეგახსენებთ, რომ გამოძიება ყოფილ ვიცე-გუბერნატორს სამსახურებრივი უფლებამოსილების ბოროტად გამოყენებაში და სახელმწიფო ქონების მითვისება-გაფლანგვაში ედავება. ბრალის დამტკიცების შემთხვევაში, სიბაშვილს 11 წლით თავისუფლების აღკვეთა ემუქრება.

ბრალდებულის მორიგი სასამართლო პროცესი 2013 წლის 22 მარტს გაიმართება.

ცნობისათვის, სიბაშვილის დაკითხვის დღესვე, განცხადება გააკეთა საპარლამენტო უმცირესობის წევრმა, კახეთის ყოფილმა გუბერნატორმა გიორგი ღვინიაშვილმა და სიბაშვილის მიმართ ბრალის წაყენება პოლიტიკურ ზეწოლას დაუკავშირა. კერძოდ, ღვინიაშვილის განცხადებით, უმრავლესობის მხრიდან, საკონსტიტუციო ხმების მოსაპოვებლად, მის გადაბირების მცდელობას ჰქონდა ადილი, რაზეც უარი მიიღეს და ამის შემდეგ, სხვადასხვა გზით, ცდილობდნენ გავლენის მოხდენას. ღვინიაშვილმა ამის ერთ-ერთ მაგალითად, სწორედ, მისი ყოფილი მოადგილის სიბაშვილისთვის ბრალის წაყენება დაასახელა.