ნატო სამხრეთ-აღმოსავლეთ უკრაინის კონფლიქტში ჩართვას არ აპირებს, ვინაიდან ეს ქვეყანა ჩრდილოატლანტიკური ალიანსის პასუხისმგებლობის ზონაში არ არის. უსაფრთხოების გარანტიები კი ალიანსის წევრებზე მოქმედებს. - ეს განცხადება ნატო-ს გენერალურმა მდივანმა იენს სტოლტენბერგმა ტელეკომპანია "სქაი ნიუსის" ეთერში გააკეთა.

მისი თქმით, კიევს ნატოსგან ძლიერი პოლიტიკური მხარდაჭერა აქვს და ალიანსი არასდროს შეეგუება იმ ქმედებებს, რასაც რუსეთი უკრაინაში ახორციელებს.

გენერალური მდივანი მიიჩნევს, რომ ყველაზე მნიშვნელოვანი ამ ეტაპზე უკრაინის კრიზისის დასარეგულირებლად მინსკის შეთანხმების რეალიზაციაა.