კეზერაშვილს და უგულავას ბრალი დაუმძიმდათ, რაც 9-დან 12 წლამდე პატიმრობას ითვალსიწინებს

სამართალი - 14:37, 14 Mar, 2015

1540

საქართველოს მთავარმა პროკურატურამ ყოფილ მაღალჩინოსნებს დავით კეზერაშვილს და გიგი უგულავას ბრალი დაუმძიმა. როგორ პოკურატურა განმარტავს, დავით კეზერაშვილის მიმართ გამოტანილი დადგენილებით დაზუსტდა ბრალის ფაქტობრივი გარემოებები, ასევე შეიცვალა დანაშაულის კვალიფიკაცია, საქართველოს სისხლის სამართლის კოდექსის 333-ე მუხლის მეორე ნაწილით, (სამსახურეობრივი უფლებამოსილების გადამეტება - 2007 წლის ნოემბრის, ტელეკომპანია “იმედისა” და რუსთავის მეტალურგიული ქარხნის ეპიზოდები), 194-ე მუხლის მესამე ნაწილის „ბ“ და „გ“ ქვეპუნქტებით (უკანონო შემოსავლების ლეგალიზაცია - ტელეკომპანია “იმედის” ეპიზოდი) - სასჯელის სახით ითვალისწინებს თავისუფლების აღკვეთას ვადით 9-დან 12 წლამდე.

რაც შეეხება თბილისის ყოფილ მერს, გიორგი უგულავას მიმართ გამოტანილი დადგენილებით დაზუსტდა ბრალის ფაქტობრივი გარემოებები, ასევე შეიცვალა დანაშაულის კვალიფიკაცია, საქართველოს სისხლის სამართლის კოდექსის 333-ე მუხლის პირველი ნაწილით (სამსახურეობრივი უფლებამოსილების გადამეტება - მთაწმინდის პარკის ეპიზოდი), სსკ-ის 25, 182-ე მუხლის მეორე ნაწილის „ა“ ქვეპუნქტითა და მესამე ნაწილის „ბ“ ქვეპუნქტით (გაფლანგვაში დახმარება - მთაწმინდის პარკის ქონების გაფლანგვის ეპიზოდი) და სსკ-ის 25, 194-ე მუხლის მესამე ნაწილის „ბ“ და „გ“ ქვეპუნქტებით (დახამრება უკანონო შემოსავლების ლეგალიზაციაში-ტელეკომპანია „იმედის“ ეპიზოდი) - სასჯელის სახით ითვალისწინებს თავისუფლების აღკვეთას ვადით 9-დან 12 წლამდე.