კრემლის მიერ გამოქვეყნებული ახალი ფოტოები და ინფორმაცია, რომ დღეს ვლადიმერ პუტინი ვიაჩესლავ ლებედევს შეხვდა, სიმართლეს არ შეესაბამება. ამის შესახებ , უკრაინული მედია წერს და არგუმენტად გამოქვეყნებულ ფოტოზე არსებული ერთერთი დეტალი მოჰყავს.

სტატიის ავტორის აზრით, ფოტოს სიყალბის მთავარი გასაღები, საათია, რომლითაც ჩეჩნეთის პრეზიდენტმა, რამზან კადიროვმა ინსტაგრამზე „დაიტრაბახა.“

რამზან კადიროვმა საათის შესახებ სოციალურ ქსელში გუშინ დაწერა და განაცხადა, რომ ის პუტინის ნაქონი საათით ძალიან ამაყობს,

კადიროვის თქმით, ეს ძვრიფასი საჩუქარი, პუტინმა ინგუშეთის ყოფილ პრეზიდენტს, მურად ზიაზიკოვს აჩუქა. ზიზიაკოვმა სულთან-ხაჯის, მან კი კადიროვს უსახსოვრა.

შეგახსენებთ,ერთი კვირაა ვლადიმერ პუტინი მედიის წინაშე არ გამოჩენილა. რუსეთის პრეზიდენტთან დაკავშირებით სხვადასხვა ცნობები ვრცელდება, ვერსიების მიხედვით პუტინის რამდენიმედღიანი გაუჩინარება მის ავადმყოფობას ან შესაძლო გარდაცვალებას უკავშირდება.

ეჭვების გასაქარწყლებლად, კრემლმა დღეს ახალი ფოტოები და ინფორმაცია გამოაქვეყნა, თუმცა პუტინის გამოჩენამ, მისი გაუჩინარების ეჭვების გაქრობა, ვერ მოახერხა.

ხატია ლაღიძე