კრემლის ინფორმაციით რუსეთის პრეზიდენტი ვლადიმერ პუტინი უმაღლესი სასამართლოს თავმჯდომარეს, ვიაჩესლავ ლებედევს შეხვდა.

შეხვედრის ამსახველი ფორტომასალა კრემლის ოფიციალური ვებგვერდზე გამოქვეყნდა.

კრემლის ცნობით, შეხვედრაზე სასამართლოს უმაღლესი ინსტანციის საქმიანობის აქტუალური საკითხები განიხილეს. ესაა საკითხები, რომლებიც უმაღლესი და უზენაესი საარბიტრაჟო სასამართლოების გაერთიანების შემდეგ წარმოიშვა.

შეგახსენებთ, რამდენიმე დღეა რუსეთის პრეზიდენტთან დაკავშირებით სხვადასხვა ცნობები ვრცელდება, ვერსიების მიხედვით პუტინის რამდენიმედღიანი გაუჩინარება მის ავადმყოფობას ან შესაძლო გარდაცვალებას უკავშირდებოდა.

_{ნინო ზედგენიძე}