გერმანიის საგარეო საქმეთა მინისტრი, ფრანკ-ვალტერ შტაინმაიერი, დასავლეთს რუსეთთან მიმართებით „სტრატეგიული მოთმინების“ გამოჩენისკენ მოუწოდებს.

ამის შესახებ, შტაინმაიერმა ვაშინგტონში ვიზიტის დროს ისაუბრა.

მისი თქმით, უკრაინის კონფლიქტის მიუხედავად, დასავლეთს დიდი ძალისხმევა მართებს, რუსეთთან თანამშრომლური ურთიერთობის აღსადგენად. თუმცა, მან აღიარა, რომ ეს პროცესი შესაძლოა წლების ან ათწლეულების მანძილზე გაგრძელდეს.

ამავე დროს გერმანიის საგარეო საქმეთა მინისტრმა, ევროპისა და ამერიკის ტრანსატლანტიკური თანამშრომლობის მნიშვნელობასაც გაუსვა ხაზი.

შტაინმაიერმა, კიდევ ერთხელ დააფიქსირა ბერლინის ნეგატიური დამოკიდებულება უკრაინისთვის ლეტალური იარაღის გადაცემასთან დაკავშირებით. მისი თქმით, ამერიკელი სენატორების იდეა, უკრაინა იარაღით მოამარაგონ, იმდენად სახიფათოა, რომ რეგიონში სიტუაციის ესკალაციასა და კონფლიქტის ახალ ფაზაში გადასვლას გამოიწვევს.

ხატია ლაღიძე