დიდი ბრიტანეთის პრემიერ მინისტრი, დედიდ კემერონი, მოსკოვში, 9 მაისს მეორე მსოფლიო ომის დასრულების 70-ე წლისთავთან დაკავშირებით გამართულ ღონისძიებაზე დასწრებას არ აპირებს.

ვიზიტზე უარის თქმის მიზეზად, უკრაინაში განვითარებული მოვლენები სახელდება.

ინფორმაციას „როიტერი“ წყაროზე დაყრდნობით ავრცელებს.

რუსეთის მიერ უკრაინაში განხორციელებული აგრესიის გამო, „გამარჯვების დღისადმი“ მიძღნილ ღონისძიებაზე მოსკოვში ჩასვლაზე უარი გერმანიის კანცლერმა, ანგელა მერკელმა, ასევე ლატვიისა და ლიტვის პრეზიდენტებმაც განაცხადეს.

გავრცელებული ინფორმაციით, ამ დროისთვის ღონისძიებაზე დასწრების თანხმობა ბელორუსის პრეზიდენტმა, ალექსანდ ლუკაშენკომ და ჩრდილოეთ კორეის ლიდერმა, კიმ ჩენ ინმა განაცხადეს.

ხატია ლაღიძე