ბორის ნემცოვის მკვლელობაში ეჭვმიტანილიმა ,ზაურ დადაევმა ჩვენება ისევ შეცვალა და დანაშაულზე პასუხისმგებლობა საკუთარ თავზე აიღო. ამის შესახებ განცხადება, დადაევის ადვოკატმა, ივან გერასიმოვმა გააკეთა.

გუშინ, დადაევმა ადამიანის უფლებათა დამცველებთან შეხვედრისას განაცხადა, რომ ის თავს უდანაშაულოდ თვლიდა და ნემცოვის მკვლელობას უარყოფდა. მისი თქმით, მკვლელობა საკუთარ თავზე მეგობრის გასათავისუფლებლად აიღო. გარდა ამისა, დადაევი მასზე განხორციელებულ ზეწოლაზეც საუბრობდა.

დღეს, კი როგორც ჩანს პირველად ვერსიას დაუბრუნდა.

გარდა ამისა, დადაევის ადვოკატმა განაცხადა, რომ ხელბორკილების კვალის გარდა, სხვა სახის დაზიანება მას არ შეუმნჩნევია.

შეგახსენებთ, ბორის ნემცოვი, 27 თებერვალს კრემლთან ახლოს ხიდზე მოკლეს. პოლიციამ, მკვლელობაში ეჭვმიტანილი 5 ადამიანი დააკავა. ერთერთმა ეჭვმიტანილმა, ზაურ დადაევმა აღიარებითი ჩვენება მისცა და მოსკოვის სასამართლომ, დანარჩენ 4 პირთან ერთად 28 აპრილამდე პატიმრობაში დატოვა. დადაევის თქმით, მან ნემცოვი მუჰამედ წინასწარმეტყველის შესახებ ნეგატიური განცხადებების გაკეთებისა და "შარლი ებდო-ს" კარიკატურების მხარდაჭერის გამო მოკლა. მოგვიანებით, დანაშაულში მონაწილეობა უარყო, დღეს კი თავი კვლავ დამნაშავედ ცნო.

ხატია ლაღიძე