მოკლული რუსი იოპოზიციონერის, ბორის ნემცოვის შვილი, მამის მკვლელობაზე პოლიტიკურ პასუხისმგებლობას, ვლადიმერ პუტინს აკისრებს.

„მამაჩემი პუტინის მთავარი კრიტიკოსი და უსული ოპოზიციის ყველაზე ძლიერი ლიდერი იყო. მამაჩემი პუტინს ებრძოდა, სხვას არავის“ - განაცხადა ჟანა ნემცოვამ BBC-ისთან ინტერვიუში.

ჟურნალისტის კითვაზე, აკისრებს თუ არა პუტინს მამის კვლელობაზე პასუხისმგებლობას, ნემცოვამ უპასუხა“ „პოლიტიკური თვალსაზრისით, დიახ.“

ბორის ნემცოვის დაკრძალვის შემდეგ, გოგონა საზღვარგარეთ გაემგზავრა. ინტერვიუ იტალიაში ჩაიწერა.

„მათ მამა მომიკლეს, ჩუმად ყოფნა არ შემიძლია“ - აღნიშნა ნემცოვამ და დასძინა, რომ რუსეთში დაბრუნების არ ეშინია.

ჟანა ნემცოვას, გამოძების ობიექტურობის არ სჯერა და ეჭვობს, რომ რეალურ მკვლელებს არ გამოავლენენ.

„ამ ე.წ. გამოძიების რწმენა არ მაქვს. ვიცი, რომ ზოგიერთ დასავლეთ პოლიტიკოსს საერთაშორისო გამოძების დაწყება სურს. ვფიქრობ, ეს სწორია, რადგან რუსეთში არ არსებობს დამოუკიდებელი სასამართლო და არც დამოუკიდებელი გამოძიება“ - განაცხადა მან.

მისი თქმით, გაოცებულია რუსული მედიის მიერ გავრცელებული ინფორმაციით, თითქოს მკვლელობაში ეჭვმიტანილი, ზაურ დადაევი საკუთარი ინიციატივით მოქმედებდა.

„არ მჯერა, რომ მამა დადაევმა მოკლა. იმ შემთხვევაშიც, თუკი ეს მან საკუთარი ინიციატივით ჩაიდინა, მოტივი რა იყო? მე ვერანაირ მოტივს ვერ ვხედავ“ - ამბობს გოგონა. ის, დანაშაულის რელიგიური ნიშნით ჩადენასაც გამორიცხავს.

ნემცოვას, თქმით გამოძიება იმდენად არაობიექტურია, რომ იმის მცდელობაც არ ყოფიალა, ის დაეკითხათ. ამავდროულად, გამოძებამ ნემცოვას იმ ბინაში შესვლის უფლება არ მისცა, საიდანაც ნემცოვის დოკუმენტები და ტექნიკა წაიღეს.

ჟანა ნემცოვას განცხადებით, მამამისის მკვლელობის მთავარი მიზეზი, არსებული რეჟიმის მიმართ ნემცოვის ბრძოლასა და კრიტიკაში უნდა ვეძიოთ.

ხატია ლაღიძე