რუსეთი და ე.წ. სამხრეთ ოსეთის რესპუბლიკა თანამშრომლობის ხელშეწკრულებას ხელს 18 მარტს მოაწერს.

ამის შესახებ, „რია ნოვისტი“ წყაროზე დაყრდნობით წერს, რომლის თქმითაც, კრემლი ხელმოწერის გადადების ფაქტს უარყოფს და აცხადებს, რომ დოკუმენტის ხელმოწერა თავიდანვე 18 მარტს იყო დაგეგმილი.

„შეთანხმებამ ყველა საჭირო პროცედურა გაირა. დოკუმენტზე ხელმოწერის თარიღი არ გადადებულა, რადგან შეხვედრა თავიდანვე 18 მარტს იყო დაგეგმილი. პრესაში გავრცელებული ინფორმაცია, თითქოს ხელშეკრულების ხელმოწერა 11 მარტს უნდა გამართულიყო და ჩაიშალა, სიმართლეს არ შეესაბამება“ - წერს „რია ნოვოსტი“ წყაროზე დაყრდნობით.

შეგახსენებთ, გუშინ რუსული მედიაში გავრცელებული ინფორმაციით, რუსეთსა და ე.წ სამხრეთ ოსეთის რესპუბლიკას შორის დადგემილი შეხვედრა ჩაიშალა. ფაქტთან დაკავშირებით, კრემლს ოფიციალური განცხადება არ გაუკეთებია.

ხატია ლაღიძე