BBC-იმ, გადაცემა Top Gear-ის წამყვანი, ჯერემი კლარკსონი სამსახურიდან გაუშვა, რისი მიზეზიც კლარკსონის მიერ ერთერთი პროდიუსერისთვის ფიზიკური შეურაცხყოფის მიყენება გახდა. სამსახურის დატოვება, მის ორ თანაწამყვანსაც მოუწია.

ჯერემი კლარკსონი, რომელიც 13 წელია BBC-ის გადაცემის წამყვანია, სკანდალებში არაერთხელ გახვეულა. ერთერთ გადაცემაში, რასისტული გამონათქვამის გამო, მას ბოდიშის მოხდაც მოუწია, ხოლო მისი გამონათქვამი კი ტელევიზიამ გადაცემიდან ამოჭრა.

Top Gear-ის წამყვანის სამსახურიდან გაშვებას ათასობით ადამიანი აპროტესტებს. სოციალურ ქსელში ონლაინ პეტიციაც მომზადდა, რომელსაც ხელი უკე 620. 000-მა ადამიანმა მოაწერა. ისინი ჯერემი კლარკსონის სამსახურში აღდგენას მოითხოვენ.

თავად კლარკსონმა, ტელევიზიის მიერ მიღებულ გადაწყვეტილებაზე ხუმრობით ისაუბრა და განაცხადა, რომ ახლა ის უბრალოდ "სამუშაო ცენტრის გარეთ" აღმოჩნდა.

„ბოლობოლო შევძლებ ამაღამ ჩელსის მატჩს დავესწრო“ - განუცხადა კლარკსონმა ჟურნალისტებს.

ხატია ლაღიძე