თურქეთში, ქალაქ ანკარაში გამართული აქცია პოლიციასა და დემონსტრანტებს შორის შეტაკებებით დასრულდა. სამართალდამცავებმა, მათ დასაშლელად ცრემლსადენი გაზი და წყლის ჭავლი გამოიყენეს. დაკავებულია 11 ადამიანი.

აქცია, 2013 წელს ანტისამთავრობო აქციების დროს 15 წლის ბერკინ ელვანის მოკვლის მეორე წლისთავთან დაკავშირებით გაიმართა. დემონსტრაციები, გუშინ თურქეთის რამდენიმე ქალაქში გაიმართა.

ანტისამთავრობო აქციის დროს, ბერკინ ელვანს, პოლიციელის მიერ ნასროლი ცრემლსადენი გაზის ავზი თავში მაშინ მოხვდა, როცა სახლიდან მაღაზიაში პურის საყიდლად მიდიოდა. რის შედეგადაც, 15 წლის ბიჭი 9 თვის განმავლობაში კომაში იყო, ხოლო 2014 წლის მარტში კი გარდაიცვალა. გარდაცვლილის მშობლები და აქციის მონაწილეები, დამნაშავე პოლიციელის დასჯას მოითხოვენ, თუმცა შემთხვევასთან დაკავშირებით არავინ დასჯილა.

ხატია ლაღიძე