წყალტუბოს მუნიციპალიტეტის სოფელ ოფურჩხეთის პოლიციის განყოფილების თანამშრომელი, 28 წლის შოთა ვაშაკიძე გარდაცვლილი იპოვეს. არსებული ინფორმაციით, ახალგაზრდამ თავი მოიკლა. რატომ უნდა დაესრულებინა პოლიციელს სიცოცხლე თვითმკვლელობით, ამაზე ლაპარაკი ახლობლებსა და კოლეგებს უჭირთ. ერთ-ერთი ვერსიით, ახალგაზრდა კაცის თვითმკვლელობის მიზეზი შესაძლოა ოჯახური პრობლემები გამხდარიყო. როგოც მისი თანასოფლელები ჰყვებიან ვაშაკიძის მამა ქუთაისის საავადმყოფოში აპარატზეა შეერთებული.

„ როგორც ამბობენ, ფილტვები ისე დაუსუსტდა, აპარატის გარეშე ვეღარ სუნთქავდა... ქუთაისის სავადმყოფოში იწვა, აპარატზე შეერთებულ კაცს საავადმყოფოში ისე ვინ გააჩერებს, ფული თუ არ გადაიხადა... რაღაც-რაღაცების გაყიდვა დაიწყეს ოჯახიდან, თან ფულს სესხულობდნენ, მაგრამ როდემდე ისესხებდნენ, ვალს გადახდა ხომ უნდოდა... ამ მდგომარეობაში ჩავარდანას არავის ვუსურვებ. სოფელში ვინც მათი მდგომარეობა იცოდა, ყველა ამბობს, რომ ეს არის თვითმკვლელობის მიზეზიო. დანამდვილებით გამიჭირდება მტკიცება, მაგრამ იმ ბიჭს სხვა მიზეზი არ ჰქონია... როგორც გავიგე, სამსახურეობრივი იარაღით მოიკლა თავი, ამბობენ, პირდაპირ თავში დაიხალა ტყვიაო. ადამიანი მართლა რკინა ხომ არ არის, ყველაფერს რომ გაუძლოს!“, - ამბობენ სოფელში.

წყარო: კვირის პალიტრა