რუსულ მედიაში, ბორის ნემცოვის მკვლელობის ახალი ვერსია გავრცელდა, რომლის მიხედვიდაც ნემცოვის მკვლელი ზაურ დადევი არ არის, ხოლო მკვლელობის ორგანიზატორი რუსეთის ფედერაციის საბჭოს წევრის, სულეიმან გერემეევისა და დუმის დეპუტატი, ადამ დელიმხანოვის ახლო ნათესავი, რუსლან გერემეევია.

შეგახსენებთ, ბორის ნემცოვი, 27 თებერვალს კრემლთან ახლოს ხიდზე მოკლეს. პოლიციამ, მკვლელობაში ეჭვმიტანილი 5 ადამიანი დააკავა. ერთერთმა ეჭვმიტანილმა, ზაურ დადაევმა აღიარებითი ჩვენებაც მისცა და განაცახდა, რომ ნემცოვი მუჰამედ წინასწარმეტყველის შესახებ ნეგატიური განცხადებების გაკეთებისა და "შარლი ებდო-ს" კარიკატურების მხარდაჭერის გამო მოკლა. თუმცა, დღეს თავისი უდანაშაულობის შესახებ განაცხადა და აღნიშნა, რომ მკვლელობა საკუთარ თავზე მასზე განხორციელებული ზეწოლის გამო აიღო. მეორე ვერსიის თანახმად, დადაევმა დანაშაული იმ იმედით აღიარა, რომ მასთან ერთად დაკავებულ მის მეგობარს პატიმრობიდან გაათავისუფლებდნენ.

მისი თქმით, სიმართლის თქმას სასამართლოზე აპირებდა, თუმცა მას ამის უფლება არ მისცეს.

ხატია ლაღიძე