სროლის შედეგად გარდაიცვალა ირაკლი ბოჭორიშვილი, მისი ძმა ანდრო ბოჭორიშვილი კი მძიმე მდგომარეობაში იმყოფება და მას თელავის საავადმყოფოში ამ წუთებში ოპერაცია უტარდება.
ადგილობრივი მაცხოვრებლები ძმებ ბოჭორიშვილებს დადებით და უკონფლიქტო ადამიანებად ახასიათებენ, ჯერჯერობით უცნობია, თუ რა გახდა ძმებზე თავდახმის მიზეზი.
ამ ფაქტის შემდეგ კახეთში რეიდები დაიწყო, მკვლელობის შემდეგ ქალაქის ყველა გასასვლელს და შემოსასვლელს სამართალდამცავები აკონტროლებენ. უკავშირდება თუ არა ეს რეიდები მომხდარ მკვლელობას ამასთან დაკავშირებით სამართალდამცავები კომენტარს არ აკეთებენ.
გავრცელებული ინფორმაციით ეს მკვლელობა შესაძლოა უკავშირდებოდეს გარკვეულ თანხას. მკვლელს სავარაუდოდ ძმების ვალი ჰქონდა. შინაგან საქმეთა სამინისტროში მომხდარის დეტალებზე არ საუბრობენ. ცნობილია, რომ გამოძიება დაიწყო 109 მუხლით, რაც განზრახ მკვლელობას გულისხმობს.
მასალის გამოყენების პირობები






