პაკისტანის მთავრობამ სიკვდილმისჯილი პატიმრების დასჯაზე მორატორიუმი გააუქმა.

ამის შესახებ ინფორმაციას, BBC-ის რუსული სააგენტო ავრცელებს.

ადრე, მონატორიუმი ნაწილობრივ გაუქმებული იყო მათთვის, ვისაც ბრალი ტერორიზმში ედებოდათ. ახლა კი მორატორიუმი ყველა სიკვდილმისჯილი პატიმრის დასჯაზე გაუქმდება. დეკემბერში ქალაქ პეშავარში, ერთ-ერთ სკოლაზე თალიბების მიერ განხორციელებულ თავდასხმას 140 ადამიანის სიკვდილი ემსხვერპლა. მთავრობამ მორატორიუმის ნაწილობრივი გაუქმება, სწორედ მაშინ გადაწყვიტა. თავდასხმის შედეგად 132 მოსწავლე, ცხრა მასწავლებელი, ასევე ცხრა თავდამსხმელი დაიღუპა.

პაკისტანში სიკვდილით დასჯას, 8000-ზე მეტი პატიმარი ელოდება.

ხატია ლაღიძე