რუსულ მედიაში გავრცელებული ინფორმაციით, მძევალი და გამტაცებელი ყოფილი ცოლ-ქმარი არიან, რომელთაც უთანხმოება შვილის საცხოვრებელ ადგილთან დაკავშირებით მოუვიდათ. რამდენიმე საათის წინ, მამაკაცმა, ყოფილ მეუღლეს სამსახურში მიაკითხა, შემდეგ კი მძევლად აიყვანა.

მძევალი შინაგან საქმეთა სამინისტროს მუზეუმის თანამშრომელია.

შემთხვევის ადგილზე ოპერატიული ჯგუფებია გაგზავნილი.

მოსკოვის პოლიციას აღნიშნულ ფაქტთან დაკავშირებით განცხადება ჯერ არ გაუკეთებია, თუმცა მედიაში გავრცელებული ინფორმაციით, მათ ქალის გათავისუფლება უკვე მოახერხეს.

ხატია ლაღიძე