უკრაინაში სიტუაციის დესტაბილიზაცია, უგრეთის ინტერესებს ეწინააღმდეგება - განაცხადა უნგრეთის პრემიერ-მინისტრმა, ვიქტორ ორბანმა ქვეყანაში აკრედიტებულ დიპლომატებთან შეხვედრისას.

მისი განცხადებით, მიუხედავად იმისა, რომ კონფლიქტის ზონა უნგრეთის საზღვრიდან შორს მდებარეობს, უნგრეთს „200 ათასი მიზეზი აქვს“ იმისთვის, რომ უკრაინაში მშვიდობა დამყარდეს.

მისივე თქმით, უკრაინის გადარჩენა და ტერიტორიული მთლიანობის შენარჩუბა, უნგრეთის ფუნდამენტურ ინტერესებს შეესაბამება. ორბანის სიტყვების თანახმად, მას არ უნდა, რომ უნგრეთს „რუსეთთან საერთო საზღვარი ჰქონდეს.“

რუსეთ-უნგრეთის ურთიერთობებზზე საუბრისას ორბანმა აღნიშნა, რომ მისი ქვეყანა ყოველთვის დარჩება ისეთ პარტნიორად, „რომელიც მუდამ თავის დროზე იხდის.“ პრემიერ-მინისტრმა დასძინა, რომ ათასწლეულების განმავლობაში, უნგრეთის საგარეო პოლიტიკისთვის მნიშნელოვან ფიგურებს - რუსეთი, თურქეთი და გერმანია წარმოადგენდნენ დ უნგრ დიპლომატებს ამ ფაქტის კარგად დამახსოვრებისკენ მოუწოდა.

ხატია ლაღიძე