გერმანიის კანცლერი, ანგელა მერკელი მიიჩნევს, რუსეთის წინააღმდეგ არსებული სანქციების გაგრძელება აუცილებელია.

ამის შესახებ, მერკელმა იაპონიაში ვიზიტისას ისაუბრა.

მისი თქმით, უკრაინის კრიზისთან და იქ განვითარებულ მოვლებეთან დაკავშირებით, რუსეთის მიმართ არსებული სანქციები უნდა გაგრძელდეს, თუმცა ამავდროულად დიპლომატიური მოლაპარაკებების გზებიც უნდა მოიძებნოს.

ანგელა მერკელი, „ისლამური სახელმწიფოს“ მიერ იაპონიის მოქალაქეების სიკვდილით დასჯასა და პარიზის ტერაქტების თემასაც შეეხო და აღნიშნა, რომ მსგავსი ფაქტების თავიდან ასაცილებლად და ტერორიზმის დასამარცხებლად, სახელმწიფოებმა ერთიანი ძალით უნდა იბრძოლონ.

საღამოს, ანგელა მერკელისა და იაპონიის პრემიერ-მინისტრის, სინძო აბეს შეხვედრაა დაგეგმილი.

ხატია ლაღიძე