ბორის ნემცოვი რელიგიური მოტივით მოკლეს

ბორის ნემცოვი რელიგიური მოტივით მოკლეს - რუსული მედია

მსოფლიო - 12:46, 09 Mar, 2015

1387

რუსულ მედიაში გავრცელებული ინფორმაციით, ბორის ნემცოვი რელიგიური მოტივით მოკლეს.

ბორის ნემცობის მკვლელობაში ერთერთი ეჭმიტანილის, ზაურ დადაევის განცხადებით, მან ნემცოვი მუჰამედ წინასწარმეტყველის შესახებ ნეგატიური განცხადებების გაკეთების გამო მოკლა.

გავრცელებულ ინფორმაციით, ამის შესახებ დადაევმა სასამართლოში, აღიარებითი ჩვენების მიცემისას განაცხადა.

გავრცელებული ინფორმაციის თანახმად დადაევმა იანვარის დასაწყისში შეიტყო, რომ ნემცოვი რუსეთში მცხოვრები მუსლიმების, მათი რელიგიისა და წინასწარმეტყველი მუჰამედის მიმართ ნეგატიურად იყო განწყობილი და შესაბამის განცხადებსებსაც აკეთებდა. დადაევი კი, როგორც უაღრესად მორწმუნე ადამიანი, ამას ვერ შეურიგდებოდა. კერძოდ, რომელ განცხადებაზე საუბრობდა დადაევი, დაკონკრეტებული არ არის.

შეგახსენებთ, ჩეჩნეთის პრეზიდენტმა რამზან კადიროვმა, ზაურ დადაევს რუსეთის პატრიოტი უწოდა და აღნიშნა, რომ დადაევი უაღრსესად მორწმუნე ადამიანია და ისევე, როგორც ყველა მუსლიმი, „შარლი ებდოს“ ქმედებებმა აღაშფოთა.

ცოტა ხნით ადრე, რუსეთის საგამოძიებო უწყების წარმომადგენელმა განაცხადა, რომ „შარლი ებდოს“ ღია მხარდაჭერისთვის, ნემცოვს ადრეც ემუქრებოდნენ.

შეგახსენებთ, ბორის ნემცოვის მკვლელობაში ეჭვმიტანილმა, ზაურ დადაევმა აღიარებითი ჩვენება მისცა და მოსკოვის სასამართლომ 28 აპრილამდე პატიმრობაში დატოვა. დადაევთან ერთად ეჭვმიტანილის სტატუსს ინარჩუნებს კიდევ სამი დაკავებული.

ხატია ლაღიძე