ევროკომისიის თავმჯდომარე, ჟან კლოდ იუნკერი, საერთო ევროპული არმიის შექმნის ინიციატივით გამოდის.

ამის შესახებ იუნკერმა, გამოცემა "Welt am Sonntag"-თან ინტერვიუში განაცხადა.

მისი თმით, მსგავსი არმია საერთო საგარეო პოლიტიკის ჩამოყალიბებასა და უსაფრთხოების დაცვას შეუწყობს ხელს.

იუნკერის განცხადებით, ასეთი არმია შეძლებს, ევროკავშირისა და მისი მეზობელი ქვეყნების წინააღმდეგ არსებულ საფრთხეებს შესაბამისად უპასუხოს.

„ამგვარად რუსეთს გავაგებინებთ, რომ ჩვენ სერიოზულად ვუდგებით ევროკავშირის ღირებულებების დაცვას“ - განაცხადა იუნკერმა.

გამოცემა აღნიშნავს, რომ აღნიშნული ინიციატივა ბუნდესტაგის დეპუტატების მხარდაჭერით სარგებლობს. მეტიც, ბუნდესტაგის საგარეო საქმეთა კომიტეტის ხელმძღვანელმა, ნორბერტ რეტგენმა განაცხადა, რომ ასეთი არმიის შექმნის დრო სწორედ ახლა არის.

ხატია ლაღიძე