სახელმწიფო აუდიტის გენერალური დირექტორის ლაშა თორდიას ინფორმაციით, ფინანსურ ანგარიშგებასთან დაკავშირებით ადგილობრივი თვითმმართველობის ორგანოებში საკმაოდ რთული მდგომარეობაა.

ამის შესახებ თორდიამ გაზეთ „კვირის პალიტრასთან“ საუბრისას განაცხადა.

„ზოგან, ძირითადად, ცენტრალური თვითმმართველობის ორგანოებში, ეს საკითხი შედარებით მოგვარებულია, მაგრამ სხვა მუნიციპალიტეტებში ტენდერებთან დაკავშირებით ძალიან ბევრი პრობლემაა. ჩვენ არაერთი მასალა გავგზავნეთ პროკურატურაში. მაგალითად, ვანის, ასევე გორის მუნიციპალიტეტების მიერ განხორციელებულ შესყ­იდვებთან დაკავშირებით. გავეცით რეკომენ­დაციები საბიუჯეტო სახსრების რაციონალურ ხარჯვაზე. ქუთაისის მუნიციპალიტეტთანაც გვაქვს კითხვები. დარღვევები 2014 წლის პერიოდს მოი­ცავს, რადგან ადგილობრივ თვითმმართველობებს 2015 წელს დაგეგმილი პროექტების განხორციე­ლება ჯერაც არ დაუწყიათ, მიუხედავად­ იმისა, რომ რეგიონული პროექტების ფონდიდან უკვე 82 მილიონი ლარია გამოყოფილი“, - ამბობს თორდია.