ევროკავშირის უმაღლესი წარმომადგენელი საგარეო საქმეთა და უსაფრთხოების პოლიტიკის საკითხებში, ფედერიკა მოგერინი აცხადებს, რომ ევროკავშირი მზად არის, უკრაინის კონფლიქტთან დაკავშირებით, რუსეთის წინააღმდეგ ახალი სანქციები დააწესოს, მიუხედავად იმისა, რომ ევროკავშირის მთავარ პრიორიტეტს, მინსკის მოლაპარაკების შედეგად მიღწეული ზავის შესრულება წარმოადგენს.

ამის შესახებ მოგერინიმ, ევროკავშირის წევრი ქვეყნების საგარეო საქმეთა მინისტრებთან შეხვედრისას განაცხადა.

ფედერიკა მოგერინი უკრაინისთვის ლეტალური იარაღის გადაცემის წინააღმდეგაც გამოდის. მისი თქმით, "უკრაინას ახლა არა მხოლოდ სუვერენიტეტისა და ტერიტორიული მთლიანობის დაცვა, არამედ მშვიდობაც სჭირდება, ამისათვის კი ევროკავშირი ყველაფერს აკეთებს" - განაცხადა ევროკომისარმა.

ხატია ლაღიძე