ჟანა ნემცოვა: ,,რუსეთის ოპოზიციას თავი მოჰკვეთეს“

მსოფლიო - 17:25, 06 Mar, 2015

1994

რუსი ოპოზიციონერის ბორის ნემცოვის ქალიშვილი ჟანა ნემცოვა აცხადებს, რომ ხელისუფლების წარმომადგენლები დღემდე არ დაკავშირებიან მოკლულის ახლო ნათესავებს. ის დარწმუნებულია, რომ მამამისი პოლიტიკური საქმიანობის გამო მოკლეს და ეჭვი ეპარება, მისი მკვლელობა გამოძიებულ იქნას. ამის შესახებ ჟანა ნემცოვა The Times-თან ინტერვიუში აცხადებს.

,,მე ვიცი, რომ ის ბევრს უყვარდა. მე ის ყველაზე მეტად მიყვარდა და ახლა ძალიან მიჭირს... მე ძლიერი ვარ, როგორც მამაჩემი, მაგრამ ყოველთვის არა. მე არჩევანი არ მაქვს, რადგან მამა აღარ მყავს. მისი დაჭერა შეუძლებელი იყო, რადგან ის ძალიან პატიოსანი ადამიანი იყო. შესაბამისად, მიზეზი ვერ მოუძებნეს. ვფიქრობ, ეს იყო შეკვეთილი მკვლელობა პოლიტიკური მოტოვებით. ვინმე რომ დავადანაშაულო, საჭიროა მტკიცებულებები, მაგრამ მე მტკიცებულებები არ გამაჩნია. ეს მხოლოდ ჩემი შეგრძნებებია, მაგრამ დარწმუნებული ვარ, ის გახდა საკუთარი პრინციპებისა და მოქმედებების მსხვერპლი. ვიცი, რომ ოფიციალური პირები გამოთქვამენ აზრის, რომ ის არ იყო საშიში, მაგრამ რა მიზნით უნდა მოკლა ოპოზიციის ლიდერი, თუ ის საშიში არ არის? ვფიქრობ, ამ დაუნდობელი და უსირცხვილო მკვლელობის შემდეგ რუსეთის ოპოზიცია თავმოკვეთილია. ადრე ხალხს ეშინოდა, ამჯერად მათ უკვე ასჯერ მეტად ეშინიათ. მე არ ვენდობი ოფიციალურ გამოძიებას. არც დედაჩემი, არც ბებიაჩემი, არც ჩემი ძმა, არც მამაჩემის და-ძმა ჯერ-ჯერობით გამოძიებას არ დაკონტაქტებიან“ - აცხადებს ჟანა ნემცოვა.